قصة حياتي

بصراحة مادري من وين ابدا ..هدفي من موقعي هذا اني افتح صفحة افضفض فيها عن همومي عن حياتي ..
سؤال طول عمري أسال نفسي هل انا انسانة محظوظة ولا اتعس انسانه ؟انتواللي تقدرون تردون على سؤالي هذا ..
عشت حياتي وانا صغيرة مهمومة وطفولتي حدها تعيسة ابي اذكر فيها لحظة حلوة موذاكرة ، كل اللي اذكره ان امي ماتت وانا صغيرة وان كنت اذكر لحظات حلوة معاها بس كان اغلبها اهيا بالمستشفى مريضة ومالها خلقي ، وعشت مع ابوي اللي مابيني وبينه اي طريقة اتصال او تفاهم كانت طريقة تواصله معاي الوحيدة اهيا الصراخ والطق
عشت باهمال من الناحية العاطفية لدرجة اني صرت انسانة لاتطاق ماقمت اعرف اتعامل مع احد او اتواصل مع احد على طول عصبية واصرخ مثل ماكان ابوي يعاملني كنت اعامل فيهم الناس ماكنت افرق بين صغير او كبير