يا عالم سمعتوا الخبر؟




بحبك بأقولها لكل البشر

وأزعق وأهتف بحبك بحبك







وح املا الجرايد وح املا الشجر

بكلمة بحبك. بصورتك.. برسمك







وأعيش فى هواكى وأموت فى الخطر

بحبك: يا عالم سمعتوا الخبر؟







بحبك باقولها.. يا راحت يا جت

ةلما بقولها تدارى عيونك







تساوى في شعرى تبصى لتحت

تتوهى وساعتها دموعك تخونك







حبيتى سرحتى.. سكتى وخفتى

سألتك جاوبتى.. بدون الكلام







ودلوقتى حيرتك.. ح تغلب شجاعتك

تبصى لساعتك.. تقولى سلام







وتمشى لوحدك.. وأحاول أساعدك

وأمسك بيدك- فى وسط الزحام







بعدتى وجربتى.. ضحكتى وبكيتى

ونمتى وصحيتى.. وانامش بنام





كتبت الأغانى وضاع الورق

ولحنتها بس عودى انحرق



وغنيت لقيت اللسان اتلوء

بحبك قوليلى يا أيةه يا لأ



اذا كنت فاهمانى جاوبى عنيه

ولو خايفه منى أبقى خافى عليه