الشوق ناره على بعدك تحداني
هو صدق جرحي حبيب الروح يهنالك

قل غيرها وإن طرى تسأل بتلقاني
ناظر بجنبك وقلي منهو ظلالك

؛

؛

خذني فرح يشرح بادي محياك
وخذني عن الإزعاج لك جو هادي

خذني نديم لو تضايقت سلاك
وخذني ذرى لك عن قارص البرد ذاري

خذني لهناك وهناك وهناك
وإلا ترى بآخذك وأخفيك داخل فؤادي

؛

؛

لولا غرامك عن الباقين معميني
ماأوفيتلك في زمن فيه الوفا نادر

ماجت به أمه بعد من لك ينسيني
إلا إذا مات في قلبي لك الشاعر

وتبدل الدم في مجرى شراييني
وأصبحت أساوي بين النجس والطاهر

؛

؛

بعض الأشيا يوم تقدم ما نوليها إهتمام
إلا حبك يوم يقدم يبقى في عيني جديد

يعلم الله فوق حبي كيف لك عندي إحترام
إحترامك وانت قربي مايقل وأنت بعيد

؛

؛

لو تطلب عيوني تراني عطيتك
وش عاد لو تطلب أعز القصايد

ولو تطلب الروح الوحيده فديتك
عليك ما تغلى ولا شي كايد

ولو تامر بقتلي ترى ماعصيتك
أمرك نفذ وأنا نطقت الشهايد

إخترتك لعمري هدف وإرتضيتك
مالي طمع في راس مال وفوايد

؛

؛

وينها ياصبر مالي غيرها لو هي تخون
شف دفاها في ضلوعي نبضها حولي يحوم

قلت وعيوني تكابر دمعها يرثي الجفون
ليتني ياحب ميت قبل ما قلبك يروم

من صغر سني أعاني وما بقى للصبر عون
رح لها ياحبي يمكن قلبها يصبح رحوم

؛

؛

من غبت عني وخاطري دوم مكسور
في غربتي أحياك ذكرى وتذكار

أحيان أقول إنك على حق معذور
وأحيان أحس إن الجفا ماله أعذار

وكانك تحسب إن الجفا ذنب مغفور
غلطان ما تعرف للأشواق مقدار

؛

؛

أحبك حب صقار لطيره
يعاف النوم لو ريشه تثنى

وأحبك حب شاعر للقصيده
إذا جت ون وإن عيت يونا

وأحبك حب فنان لفنه
عصر روحه على شانك تغنى

وأحبك حب هاوي للهوايه
قضى عمره ولا أدرك ما ت

؛

؛

بحثت بين الأسماء عن أجمل إسم فلم أجد إلا..
اسمك
سألت سكان الأرض ونجوم السماء عن أكمل حسن فكان..
حسنك
ولم يسجل تاريخ الحب أبدا أقوى من حبي لك ولا أعظم من..
حبك
ولم ولن يكتب القلم كلمة حب أصدق وأسمى من كلمة..
أحبك

؛

؛

أنت أول الحب وإحساس الوله كله
يا مشرق في سما قلبي وفي عيني

في داخلي لك محل ما حدٍ حله
إلا أنت ياللي تذكرتك وناسيني

أنا أحبك وكل الحب لك كله
ياغالي مسكنه في قلبي وفي عيني

إيوالله إني أحبك دون خلق الله
ويحبك القلب وإحساسي وما فيني

؛

؛

أمرت قلبي ألا يعشق بعدك فأطاعني مرغما..
وأمرت عيني ألا ترى غيرك فصامت دهرا..
وأمرت ريشتي أن ترسم حسنك فرسمت بدرا..
وأمرت أفكاري أن تنظم جمالك فنظمت شعرا..
كل هذا كان من أجلك فهل يضيع سدى..؟!

؛

؛

رجعت لدروبي وعودت زعلان
تركتك لحالك ورديت بابي

ما دام في قلبك غلا غيري إنسان
الليله إفرح في سوالف غيابي

أببتعد والله حبيبي على شان
ما يجرحك صوت الغضب في عتابي

؛

؛

إذا في يوم نبهك الضمير وهاجسك صحاك
وحسيت بألم فرقا ولا تقوى طواريها

وإذا في يوم حنيت لهوى الماضي ولا خلاك
زمان تطوي أيامه ولا تدري بتاليها

تذكر واحد مهموم من ياسه ومن رجواك
فلا هو يائس ينسى ولا الرجوى يخليها

؛

؛

أغليك ولكن شعوري فيك يتعبني
ضاعت على سكة الحيره عناويني

ما عاد طيفك على الغربه يصاحبني
حب ومضى وإنتهى وأرجوك تعفيني

لاترسم أحلام لاتهدم ولاتبني
لك وجه أبيض وأنا اللي راح يكفيني

؛

؛

أنت فكرة قصيدي وأنت ملهمني
شف حلاة القصايد نابعه منك

حبك اللي كتب شعري وعلمني
كيف أسطر جروحي في ورق ضنك

إيه أحبك لو إنك حيل ظالمني
كل عرق بقلبي صاح ماعنك

إن كتبت القصايد أنت ملهمني
كل حرف كتبته فيك أو منك

؛

؛

كل ما أرعد خيالك في سماي
تنهدم جدران قلبي يا ملاك

وكل ما زادت جروحك في حشاي
المشاعر كلها تطلب لقاك

؛

؛

يمه..على قل الوصال إعذريني
لا طالت أيامي عن الوصل ماجيت

يمه..على التقصير لا تواخذيني
أنا لتنفيذ المقدر تعنيت

يمه..بعيد الدار وأدري تبيني
عايش بغربه موحشه ما تهنيت

يمه..حروفي حايره في يديني
كل القوافي والمعاني لك أهديت

؛

؛

ياليت أحبك هالشكل دايم الدوم
مابي وجودك في حياتي ضروري

بأصبر على فرقاك وإن عشت محروم
يكفي خيالك سبة في سروري

حتى أنت لا تشتاق لا منت ملزوم
أدري بحياتك منتهي كل دوري

ماكان لي وياك بالحب مقسوم
بس أعترف لا زلت عيني ونوري

؛

؛

أحيان أشوفك كل شي بهالكون
وأشوف كل الكون دونك ولا شي

مابيك تسأل كيف أنا أحب وشلون
الحب كله فيك أنا أشوفه إشوي

لو مابقى في سما وعدك مزون
بشوف كل الكون دونك ولا شي

؛

؛

القمر ماله شبيه في سماه
وأنت مثلك ماعلى الدنيا شبيه

نورك اللي ضيع الليل وكساه
شع من وجهك وأنا اللي ضعت فيه

إن حظرت العمر يرخص لك غلاه
لو تبي عمري خذه من غير ليه

وإن بغيت تغيب خذ مني وصاة
وش أبي بالقلب دامك ماتبيه

؛

؛

ماودي إلا بس بالعيد أهنيك
ولمسة يمينك بالمعايد مناتي

من بد خلق الله عشقت الهوى فيك
دنياك لي دنيا وشوفك غناتي

أحب قربك يشهد الله وأغليك
لقيت في قربك بقايا حياتي