نُشر في الأحد 18 يوليو 2010 - 5:11
بخاف منك يا دنيا كتير
خلتيني لفرحك اسير
وفي لحظة واحدة بتغرقيني
في بحر حزن قاسي و كبير
رحلة عذاب و بتتكرر
وحب حلو بيتمرر
و امتي يا قلبي تتحرر
من ظلم الحب ليك
لا بتعرف تاسي و لا تجرح
دايما في احزانك تسرح
كان نفسك مرة يوم تفرح
بقلب يحس بيك
بتقولي حبيبي بيحير
بتقول مشاعره بتتغير
طب اسال و بلاش تتحير
لو لسه باقي عليك
لو كان بحبك هيقولك
وقلبه هيكون لك ضلك
هيبص في عنيك و يقولك
انا عمري كله ليك
لو باعك اوعي عليه تبكي
او تمشي وسط الناس تشكي
اياك يا قلبي في يوم تحكي
عن قلب خاين ليك