ركبت البحر وشراعي هواك ومركبي صدرك
أدل دروبي بحسك
الين أوصل بداياتي
أشوف الكون بعيونك
وأعيش سنيني بعمرك

/
يطل الصبح من وجهك وتحلى بليلك أوقاتي
بدونك فرحتي تذبل
وأظل اسقيها من صدرك
واهجر كل شي فيني
عيوني شعري وشفاتي

/
ولين شفت الزهر يرقص
أتوه بنفحه من عطرك
ويوصلني صدى صوتك
يطاردني في متاهاتي
تناديني بدفى شوقك

/

وأنا بردانه من هجرك وأحس دفاك يبعثرني ويلملم باقي أشتاتي
وأصير برجعتك طفله
آداب مدك وجزرك
واذكر كل شي يطري علي واهجر إسكاتي
واهمس لك أنا احبك
لأجل تخفيها في سرك

/
وكل ما ضاق بك صدرك ترددها بهمساتي
إنا احترت في حبي
وأنا محتارة في أمرك
واحبك كلمه تعجز تشيل الحب في ذاتي

/
حدودي في الهوى ابعد من نجومك ومن قمرك
مثل ذاك السراب إلي أشوفه في خيالاتي
حبيبي لو يكتبني الهوى قصه على صدرك
ببيدي وينتهي بأسمك " لأنك كل حكاياتي "