الحب الاول ........هو اول مره قلبك يدق بطريقه غريبه وانت مش فاهم فيه ايه كل الحكايه انك قابلت واحد ومن ساعه ما شوفته وانت بتفكر فيه كتير ومش عارف تغير الموضوع في عقلك.

وتسال ده ودي هو الى بيحصلي ده سببه ايه وانت بردو مش فاهم اي حاجه .

ولما تشوفه تاني تحس باحساس غريب انتك تعرفه من زمان وكانك شوفته قبل كده ويا سلام لو هو شاركك نفس الاحساس يبئا الحكايه كده تمام اوي

بس هي دي المشكله فعلا انك حبيت ووقعت في المطب.

ايوه اصل هو ده التعب وانت يا حول الله مفكر انك كده بقيت تمام اوي لانك كان نفسك تحب من زمان بس مكنتش لاقي الحب ده......

افرح يا عم اهو جيه وجيه معاه التعب ووجع القب.

واكيد عشت قصه حب جميله ووهميه وقولت بحبك واتقلك بحبك وفضلت تجيب في هدايا ودباديب والحياه بئا لونها بمبي

وانت ولا حاسس بحاجه. لا انا بقولك اصحي يا صاحبي انت وقعت ولا حدش سمى عليك..

وفجاه وبدون مقدمات تلاقى الحب ضاع ليه بردو متعرفش انا اقولك لان اول حب يا صاحبي دائما بيضيع .

والشكله انه مبيتنسيش ابدا مهما تعمل هتفضل فاكره يعني فاكره....

وتقعد تول انا مش هحب تاني خلاص وتفكر ان الحياه وقفت لحد كده لا بردو انسى لسه الى جاي اكتر بكتير وفوق ما انت متخيل.....

وفجاه يظهر في حياتك حد يشالبها ليه مكانت ماشيه كويس بس هي الدنيا كده..

وانت يا عني عليك هتعمل زيي وتحاول تهرب بس على فين ده قدرك هيقولك استني رايح فين استوب تقف وتعمل كم بااااااااك..

وتلاقي نفسك قربت اوي من الشخص ده من غير ما تشعر وفجاه يدق القلب تاني ويا رب يموت علشان يبطل دق...

بس ازاي اكيد مينفعش وتحب تاني ولان مفيش حاجه اسمها حب اليومين دول بردو هيضيع بس المشكله انه بستمر لفتره

وتكون انت اتعلقت بي زياده وهو ده الى بيتعب بعد كده ويا سلام لو كان الشخص ده زميلك في الشغل او في الكليه وده الاكيد طبعا

يبئا عليه العوض في السنه كده ضاعت منك ..

لانك هتكره الجامعه كلها فتره من الزمن ةمش هتروح وضيع عليك محاضرات ومش هتذاكر لانك كل ما هتيجي تفتح ملزمه هتلاقيها قاعده جواها

اقولك حاجه حاول تنام احسن ...................يييييي بردو مش عارف تنام طيب خلاص قوم انزل اقعد مع اصحابك

وبعدين روح نام واحلم بيها بردوا بس هتنساها صدقني ايام وهتعدي بس با رب تعدي بسرعه وتفوق لنفسك واسمع مني انا مجرب يا رب كلنا نفوق من هذا الوهم

وهم الحب......................اظن تعبتكوا وقلبت عليكوا المواجع بس عادي هي دي الفضفضه........


يا ربنستفيد كلنا والى يحب يحب بجد ويتاكد قبل ما يحب ان الشحص الى بيفكر في حبه يستاهل علشان منقولش يا ريتوا محصل......