اسرع رحله بالحياه (٦ ساعات) في ايطاليا
مبارح الصبح كنت ب فرنسا وكانت عندي رحله على روما على اساس اقعد ٤ ايام
المهم اول ما وصلت روما اخدت باص من المطار عشان ينزلني على نص المدينه واروح على الهوستل
وانا بالباص قررت افتح الفيسبوك عشان اطمن اهلي اني وصلت واني بخير
واول ما افتحه الاقي بوجهي خبر انه ارتفاع عدد المصابين بالكورونا في ايطاليا الى ١٠٠ حاله وبعد ب ٥ دقايق بلاقي خبر انه الغاء جميع الطيران من ايطاليا الى الاردن (بلدي)
وبعديها برضو نزل خبر انه اي شخص بيجي على الاردن رح يروح عالحجز الصحي لمده اسبوعين
انا هون كثير قلقت وخفت وصرت افكر ب مليون شغله
المهم لما نزلت من الباص لغيت حجز الهوستل وحجزت اول طياره من روما لاسطنبول وضليت راجع عالمطار
اكثر اشي جد مزعلني انه كثير كنت متحمس لايطاليا وكثير كان نفسي اجرب البيتزا والباستا الاصليه