كانت تعلن الارصاد الجوية في اخبار الساعة 8 على تلفزيون الاردن انه في يوم ثلج ...يروح الاب ولا الابن الكبير يجيب مونة الثلج ...بزر وبوشار وشوكولاتة وشعيربة وسحلب وممكن كستناء ...يتاكدوا انه في غاز وحطب للتدفئة ...وننام ونصبح الصبح نلاقي الدنيا بيضاء والثلج مغطي كل شي ...يفتح التلفزيون الاردني بدري على الساعة 10 بدل موعده المعتاد الساعة 4 ....يجيبوا الرسوم المتحركة فترة محترمة ...وعلى الظهر يجيبوا مسرحية من مسرحيات زمان اللي كل جيلنا حافظها من قد ما عادوها وقت الثلجات ...تقعد كل العيلة تحضر التلفزيون ...ونضحك مع بعض واحنا دفيانين...وعادي انه تطفي الكهرباء ....امي مسكينة تضلها بالمطبخ ما يخلص الفطور الا الغدا جاي الا العشا جاهز ...وخدلك شفشفة بالمي الباردة لانه ما كان في بويلر لتسخين المي للجلي ...
كنا نحب الثلج لانه لمة وعيلة وبركة وتسلاية ...
اليوم ميت راصد جوي وثلاث ارباعهم هاووين ما الهم علاقة بعلم الأرصاد ، وبسابقوا بعضهم مسابقة قبل باسبوع وعشرة أيام مستعجلين ، على نشر علم الغيب ، وبتفننوا بالمصطلحات اللي بدها علم التفسير لنفهمها ، وبالاخر معظم توقعاتهم بتطلع اوت أو خارج الملعب..
الله يرحم هالايام ...