تفاصيل الموضوعماسك للشعر الجاف

[center]بسم الله الرحمن الرحيم

ازيكم يا قمرات جايبلكو النهاردة ماسك للشعر الجاف بجد

تحفه كلنا عارفين أن الشعر الجاف صعب التعامل معاه

وبيتأثر بأقل حاجة وقابل للتقصف بسهولة والتكسر والضعف

يعني مالآخر كدا بيبقي منيل بنيله ولازم نهتم بيه كويس

ونغزيه ونرطبة لقلة الزيوت فيه

المهم رغيت كتير وماقولتش الماسك

قبل ما اقولكو الماسك اهم حاجة لازم تستخدمي مشط خشب

مش بلاستيك ودة لكل أنواع الشعر مش للجاف بس وحاجة

تانية سرحي شعرك على الاقل مرتين فى اليوم عشان تنشطي

الدورة الدموية وتسرحي من تحت لفوق مش العكس عشان

الشعر مايتقصفش ويتكسر ويتنيل أكتر ما هو ماشي لحد هنا
تمام
الماسك بقي أحسن هاتضرب

1 ملعقة كبيرة زبادي
1 ملعقة صغيرة زيت زيتون
نص ملعقة صغيرة عصير ليمون
1 ملعقة كبيرة جلسرين


الطريقة:


تخلطي كل المكونات مع بعض كويس أوي ولو شعرك طويل

زودي الكمية يعني حطي بدل معلقة واحدة اتنين اوكي

وتحطي الماسك على شعرك ومش شرط يكون مغسول وتلبسي

بونية للشعر أو لفي فويل على شعرك أو يا ستي حطي كيس

بلاستيك على شعرك وحطي فوطة سخنة وكل ما تبرد سخنيها

تاني عشان نفتح المسام وسيبيه نص ساعة وبعدين يا قمرة

تقومي عالحمام تغسلي شعرك بشامبو طبيعي أو شامبو

الأطفال أو خففي الشامبو بتاعك بالمية وأستخدمي كمية

صغيرة وشطفية كويس جدا ومش هاتحتاجي تحطي بلسم ولا
اى حاجة